MAKETE YAFANYA UZINDUZI WA SIKU YA UPANDAJI WA MITI

 katibu tawala wa wilaya ya makete  akipanda mti katika maadhimisho ya siku ya upandaji miti kulia ni afisa ardhi mazingira na maliasili  Bw Uhuru Mwembe

baadhi ya wananchi wa kata ya Kitulo wakishiriki katika maadhimisho hayo

Na Henrick Idawa, Makete

Wananchi wilayani makete  wametakiwa kupanda miti aina  mbalimbali ikwemo  miti ya matunda,mbao,maua na kuni kwa malengo ili kuweza kuongeza kipato chao  na kufikia lengo lilipangwa na wilaya  katika upandaji wa miti.

Hayo yamesemwa na katibu tawala wilaya makete bw.joseph chota kwa niaba ya mkuu wa wilaya makete  katika uzinduzi upandaji  wa miti wilayani hapa  ambapo amesema kuwa  wananchi wapande miti ya matunda  ikiwemo epo ambayo itawasaidia kuinua kipato  kutokana na  upatikanaji wa soko hilo kwa sasa  pamoja na maua  kwa ajili ya  kupendezesha mazingira

Katika hatua nyingine Bw Chota  amewasihi wananchi  kujiandaa na shindano la utunzaji wa vyanzo vya maji linaloendeshwa na rais wa jamhuri ya muungano wa Tanzania ambapo mshindi  atatangazwa katika  kilele cha siku ya  mazingira duniani ambayo inatarajia kuazimishwa tarehe tano juni mwaka huu.

Pia katibu tawala huyo  amehimiza wananchi kuwa mstari wa mbele  katika  suala la uhifadhi wa vyanzo vya maji ili lengo lilopangwa na halmashauri la upandaji miti kila mwaka lifikie ambapo wilaya kwa mwaka huu 2014 imeweka lengo la kupanda miti millioni 9.

 Amesema kuwa Kauli mbiu  kwa mwaka huu ni misitu ni uhai panda miti kwanza ndio ukate mti   ambapo kwa wilaya ya makete waliweka lengo la kupanda miti  milioni tisa  na  jumla ya miti 8,122,275   ilipandwa na kubainisha kuwa lengo hilo lilishindwa kufanikiwa kutokana na baadhi ya kata kutowasilisha idadi ya miti iliyopandwa katika maeneo yao

Naye mwenyekiti wa kijiji cha nkenja bw.zabroni chengula ameushukuru uongozi wa wilaya ya makete kwa uzinduzi wa upandaji miti katika kata hiyo na amewasihi wananchi kupanda miti ya mbao katika maeneo ambayo hayasitawi mazao na kulinda mifugo isiingie katika mashamba ya watu ili kuepuka migogoro.

katika uzinduzi huo ambao hufanyika kila mwaka tarehe kumi  mwezi januari ambapo kwa mwaka huu umefanyika katika kata ya kitulo wilayani hapa na  kuhudhuliwa  na viongozi siasa,viongozi wa mashirika binafsi,wakuu wa idara ,viongozi wa kata na kijiji na wananchi wa kijiji cha nkenja na ujuni  licha ya kuwepo kwa changamoto ya uchache wa  wananchi  ulisababisha na  shughuri za kiuchumi na mnada  uliokuwa ukiendelea katika kata hiyo.